"गीता फौंडेशन" असे नोंदणीकृत विद्यापीठ नाही किंव्हा अशी संस्था
नाही. परन्तु त्याप्रकारे आणि साधारण: त्या प्रकारचे कार्य चालते. कार्यास
प्रेरणा मिळावी,शिस्त्बाधता यावी, सर्वांचा सहभाग वाढावा यासाठी हे
नामकरण.
सन २००६ मध्ये या फौंडेशन चे कार्य सुरु झाले. कार्य
म्हणजे काय तर प्रामुख्याने आपल्या संस्कृती चा, धार्मिक ग्रंथांचा
अधिकाधिक प्रसार व प्रचार. या प्रसारासाठी संस्थेने "धर्मयज्ञ" नावाचे
मासिक सुरु केले जे आजही दर महिन्याला श्री. प्रफुल्ल डबीर
यांच्या "प्रज्ञा प्रिंटींग प्रेस", कोल्हापूर येथून प्रकाशित
होते. ऑक्टोबर २०१४ पासून "धर्मयज्ञ" बरोबरच "गीता गुरुकुल" नावाचे मासिक
देखील प्रकाशित होते. ज्या मार्फत शालेय मुलांना आपले सांस्कृतिक
ग्रंथ (भगवतगीता, भागवत इत्यादी) विषयी माहिती दिली जाते. मुलांचा
सर्वांगीण विकास होण्यासाठी आवश्यक असलेले सर्व या मासिक मार्फत
विद्यार्थ्यांपर्यंत पोहचवले जाते.
नियमित मासिक
व्यतिरिक्त "गीता फौंडेशन" या संस्थेने इतरही पुस्तके प्रकाशित केलेली आहेत
(जसे गीता सार; विष्णूसहस्त्रनाम; इत्यादी).
पुस्तक
प्रकाशना बरोबरच संस्था गरजू विद्यार्थ्यांना आर्थिक मदत देखील करते. अनेक
हुशार विद्यार्थी केवळ आर्थिक पाठबळ नसल्याने उच्च शिक्षण घेऊ शकत नाहीत.
अशा विद्यार्थ्यांना मदतीचा हात (कुठलीही परतफेड न मागता) संस्था देते.
आजवरचे संस्थेचे सारे कार्य हे त्या नारायणच्या आशीर्वादानेच यशस्वी झाले, या पुढेही होत रहावे हीच प्रार्थना.
श्रीकृष्ण शरणं मम
आपला सुहृदय
आपटे काका
