Geetagurukul

१ जानेवारी २०१९ ते ३१ डिसेंबर २०२९ या १० वर्षात श्री विष्णुसहस्रनाम पठणाचा  १२ कोटींचा संकल्प.

ॐ
।।गीता फाऊंडेशन ।।
चैतन्य, लोकमान्य सोसायटी, पंढरपूर रोड,
मिरज (४१६४१०) जि. सांगली
मो. ९८६००३२०८२, ईमेल- geetafoundation@gmail.com

सप्रेम नमस्कार,

आपणा सर्वांच्या सहकार्याच्या प्रार्थनेने गीता फाऊंडेशनने खालील संकल्प केला आहे.

१ जानेवारी २०१९ ते ३१ डिसेंबर २०२९ या १० वर्षात श्री विष्णुसहस्रनाम पठणाचा  १२ कोटींचा संकल्प.

ॐ नमो भगवते वासुदेवाय यातील प्रत्येक अक्षरासाठी १ कोटीचा जप करायचा. त्यासाठी किमान १६६६६ जणांनी मिळून प्रत्येकाने आपापल्या घरात दिवसभरात केव्हाही किमान २ आवर्तने करावी ही अपेक्षा, तरच १० वर्षात संकल्पसिध्दी होईल.

उपक्रम १ जानेवारी २०१९ पासून सुरू होत असला तरी नावनोदंणी सुरू झाली आहे.

या संदर्भातील सर्व माहिती, नाव व आवर्तन नोंदणी इ. सर्व संगणकावर सोप्या पध्दतीने करून ती संग्रहित करण्याची सोय असेल. त्या वेबसाईटवर( संकेतस्थळावर) श्री विष्णुसहस्रनाम ऐकायला व १००० नामांचे अर्थ वाचायला उपलब्ध असतील.
संकेतस्थळ १ जानेवारी २०१९ पासून कार्यान्वित होईल. आपण त्याआधीच नाव नोदंणी करावी ही प्रार्थना.
त्यासाठी संस्थेला खालील माहिती हवी.

पठण करणा-याचे पूर्ण नाव, गावाचे नाव आणि मोबाईल नंबर (स्वच्छ व स्पष्ट असावा) एवढी माहिती आवश्यक आहे.

१ जानेवारी २०१९ नंतर नोदंणी संगणकावर प्रत्येकाला आपापली करता येईल. पण सध्या संस्थेकडे तुम्ही ही माहिती द्यावी. आपणा प्रत्येकाला SMS द्वारा नोदंणी क्रमांक कळवला जाईल. प्रत्यक्ष आवर्तने करणे व त्याची दरमहा संगणकावर नोंद करणे ही १ जानेवारी नंतरच करायची आहे. अनैतिकतेच्या अतिरेकास नैतिकतेच्या अतिरेकानेच प्रत्युत्तर देता येते. त्यासाठी जास्तित जास्त लोकांनी सहभाग घेऊन जास्तीत जास्त आवर्तने करणे जरूरी आहे.

मला आपणा प्रत्येकाकडून किमान १० जणांची नोंद अपेक्षित आहे. प्रत्येकाच्या म्हणजे आपल्या कुटुंबातील, नातेवाईकातील, परिवारातील, मित्रमैत्रिणीतील, देश आणि परदेशातील प्रत्येकाच्या संमतीने त्यांची नावे कळवा. नाव देताना प्रत्येकाला कल्पना द्या की हा उपक्रम १० वर्षे चालणार आहे.

नाव नोदंणीचे पर्याय— पोस्टकार्ड / पत्र, SMS किंवा ई-मेल. (व्हाँटसप नको)

नाव नोदंवताना ‘ श्रीविष्णुसहस्रनाम पठणासाठी’ असा स्पष्ट करावा व वरील ३ गोष्टी कळवाव्या. मोबाईल नंबर शिवाय संगणक नाव नोदंवून घेणार नाही.

उपक्रमाच्या सफलतेसाठी जरी किमान १६६६६ जणांची नोदंणी होणे आवश्यक असले तरी किमान २५०००० जणांची नोंद व्हावी हा प्रयत्न. हे आपल्या सहकार्यानेच शक्य आहे.

धन्यवाद. श्रीकृष्ण: शरणं मम।

आपला सुह्रद
आपटे काका